TINGOG SA SUBA: Brown-out na saaab!

By | March 12, 2013

dili na lang gyud ta
mag-alig-alig og pangimbita
mga bisita dinhi Mindanao

kay sa brown-out sila makatilaw
duha hangtud upat ka oras
dili tiaw-tiaw, maka-uulaw

ngano ba pud ning taga kuryenti
kalami pa-kuryentihan
o igaid sa poste

dugaaay na kaayo ni na problema
pero ambooot ngano wala atimana
pulpol man siguro ning mga tawhana

puwerting sokoa akong amiga
kay negosyo niya ning-dive na
mamaligya na lang kuno siya og kandila
o flashlight ba kaha


pastilan! mobayad ta insakto, impunto
pero serbisyo nila kuyaw pas multo
mobalhin na lang kaha ta sa pluto

basin ang kuryenti didto
wala’y preno-preno.

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)