TINGOG SA SUBA: Ang Tulo ka Isla (Gen Luna, Siargao)

By | April 16, 2013

Ang tulo ka managtapad

nga isla sa General Luna

Guyam, Dako, Naked

Pastilan! puwerting nindota

 


ayaw gyud sipyata

kay makaingon ka

“Ka suwerti ko ba

nakaabot ‘ning dapita”

 

daw samin ang dagat sa katin-aw

ug ice-cream ang kabugnaw

usahay init-init

manuhutsuhut sa panit

 

wala’y pollution didto

limpiyo kaayo

 

gi-maintain sa baryo

ang presyo barato

salamat sa lgu

 

busa makapatuyang ka

gikan buntag ngadto hapon

puwedi overnight pagdala og flashlight

 

‘dala pud saging, camote ug ginamos

presko kaayo, sa kalami, himos

 

ayaw pagduhaduha

sa Siargao tabok na

makalimtan mo mga problema.

(MindaViews is the opinion section of MindaNews. Ramon Jorge B. Sarabosing is a writer and artist based in Butuan City)