TINGOG SA SUBA: Official Election Season

official election season na
pero sa tutuo lang
niadtong miaging bulan pa
nanggampanya na

sa radio nag-karambola na
kumbate mala-mala
pero walay unod nga giyera
pa-effect lang sa masa

mamulak na pud og
posters sa kadalanan
law-ay na pud kadaplinan

jingle sa mga kandidato
madungog sa radio
manghangyo sa imong boto

muadto sa mall
busy sa pang-lamano
kunwari duol sa tawo
(kung makadaog, dili na madul-an
kay sa bodyguards gilibotan)


naay  mokanta, mosayaw
uban walay pulos ang yawyaw
porbida kakuyaw

kung botohan mga inatay
lupad kaspa ni tatay!

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)